हितैषिणी सभा न मनै इगास महोत्सव……
रंत रैबार ब्यूरो
नई दिल्ली। दिल्ली गढ़वाल भवन म दिल्ली की सीब से पुराणी संस्था गढ़वाल हितैषिणी सभा द्वारा इगास महोत्सव कु आयोजन करेगे छौं।
ये आयोजन म समाज का प्रबुद्ध लोगों ल-शिरकत कैरी। व्याखुनि 4 बजी बिटिन आयोजित ये आयोजन म दिल्ली विश्वविद्यायल का छात्र-छात्राओं द्वारा सांस्कृतिक कार्यक्रम प्रस्तुत करी। का दगड़ी सब्यों ल भैलू खेलि कि पौराणिक परम्पराओं हैं सजीव कैरि दे। भैलु, दीप प्रज्जवलन व अलावा पहाड़ी भोजन से मैमानों स्वागत करेंगे।
बुले जांद कि जब भगवान् रामचंद्र जी लंका विजय का बाद माता सीता व लक्ष्मण समेत अयोध्या पौन्छिन ता लोगों ला दीप जलैकि दीपावली मनैकि यूं कु स्वागत कैरी।
बुल्दन गढ़वाल म य खबर ग्यारा दिन बाद पीछि तब यखा लोगों ला ग्यारा दिन बाद दीपावली मनै। एक हौरि लोक परम्परा का अनुसार बल 400 साल पैलि राजा
महीपत शाह का जमन म तिब्बतियों ला गढ़वाल का वीरभड़ बवाल भयों की हत्या कैरि दे।
राजा यां भौत क्रोधित हे। राजा ला तिब्बत पर आक्रमण कनौ आदेश दे। तब
गढ़वाल का वीर सपूत माधो सिंह भंडारी तिब्बत सेना लेकि पौछि। काफी दिनों तक वेकु कुछ पता नि चलि ता सौब परेशांन हुण लँगेन। बाद म माधौ सिंह भंडारी जब सकुशल वापस श्रीनगर पौछि तब लोगों न खुशी म दीप जलैकि दीपावली मनै। साख्यों बिटिन इगास या बूती दीपावली कु त्यौहार मनये जांद।
कुल मिलैकि उत्तराखंड म इगास का
बार म भौत किंवदंती छन। कै गीत छन व विभिन्न रोति-रिवाज छन।
गढ़वाल हितैषिणी सभा का अध्यक्ष सूरत सिंह रावत ला सब्यों कु स्वागत कैरी। सभा महासचिव पवन कुमार मैठाणी ल कार्यक्रम कु संचालन कैरी। ये आयोजन म बरिष्ठ साहित्यकार रमेश चंद्र घिल्डियाल सरस, जबर सिंह कैंतुरा, जयपाल सिंह रावत, दर्शन सिंह रावत, बृजमोहन वेदवाल, उमेश चंद्र बंदूनी, दिनेश ध्यानी, उत्तराखण्ड लोक मंच क अध्यक्ष बृजमोहन उप्रेती, राजेंद्र चमोली, वीरेंद्र नेगी, रेनू उनियाल, संतोषी डोभाल, दिनेश डोभाल, नरेंद्र सिंह नेगी, उद्योगपति नरेंद्र सिंह लडवाल, एसीपी सतीश शर्मा, ओ.पी. जोशी, प्रियदर्शिनी मैठाणी, टी.सी. भंडारी,
प्रेम सिंह नेगी, वीरेन्द्र सुयाल, सोनियर एडवोकेट संदीप शर्मा, मुरली सिंह नेगी, पत्रकार व्योमेश जुगराण, पत्रकार हरीश लखेड़ा, बंघतोल फिल्म के निर्माता संजय जोशी, श्रीमती सुशीला रावत व खुशहाल सिंह विष्टगढ़वाल हितैषिणी सभा की पूरी कार्यकारणी, व समाज का कै गणमान्य लोग व दिल्ली विश्वविद्यालय छात्र बड़ी संख्या म उपस्थित छाया।
